هانګ کانګ، د جون 25مه، 2024 /PRNewswire/ — د پایښت لرونکې پانګې اچونې د ظرفیت جوړونې اتحاد (CASI) په بریالیتوب سره خپله دویمه حضوري غونډه په هانکانګ کې د جون له 24 څخه تر 25 پورې ترسره کړه، چې له دې وروسته به هوژو، د چین د شین مالي یو ازمایښتي ښار ده، ته یو ساحوي سفر ترسر شي. د «په آسیا کې د پایښت او سوکالۍ پیاوړې کول: د ارتباط او لیږد لپاره نوي مالي حلونه،» عنوان لرونکې دغې غونډې، د غوره میتودونو د شریکولو او د EMDEs تر منځ د پایښت لرونکي مالي تمویل لپاره یو پلیټ فارم چمتو کړ. له شلو څخه د زیاتو سیمو نه د 300 څخه زیاتو ګډونوالو برخه اخیستې وه.
Ma Jun، د CASI رییس او د مالي پایښت انسټیټیوټ (IFS) رییس، د EMDEs پایښت اهدافو لپاره د پام وړ مالي تشې باندې ټینګار وکړ، کوم چې هر کال ټریلیون ډالر کېږي. هغه د پایښت لرونکي مالي بازارونو د پراختیا رامېنځته کولو او د پانګې جذب کوونکې شنو پروژو د پیلولو لپاره د ظرفیت نشتوالی د دې تشې د اصلي لامل په توګه یاد کړ. د حل لارې په توګه CASI، په ګلوبل ساوت کې د ظرفیت لوړولو لپاره، د زده کړې پروګرامونه، په شمول د حضوري غونډو، ویبینارونو، او د الکترونیکي بڼې زده کړې پروګرامونو، وړاندیز کوي.
په دې غونډه کې، چې د IFS، HKMA د زیربناوو د مالي اسانتیاوو دفتر (IFFO) او د هانګ کانګ پوهنتون (HKU) لخوا په ګډه کوربه توب شوی وو، د مرکزي بانکونو لوړ پوړو استازو، مالي موسسو، شرکتونو، نادولتي موسسو، او د سیمې فکري مشرانو برخه اخیستې وه. په بحثونو کې داسې موارد شامل وو لکه د پایښت لرونکي مالي تمویل چوکاټونه، افشاء کول، کم کاربن لرونکی لیږد، د پروژې پیل، مخلوط مالي تمویل، د حیاتي تنوع ساتنه، او نیلي مالي تمویل.
د HKMA د اجراییوي رییس مرستیال Arthur Yuen، د پایښت لرونکي مالیې مخ په زیاتیدونکي لیوالتیا په ګوته کړه، او د کاربن کمولو او پراختیا لپاره د ابتکاري حل لارو په اړتیا یط ټینګار وکړ. هغه د پایښت لرونکي مالي تمویل لپاره د مناسب چاپیریال په رامینځته کولو کې د عامه سکتور رول باندې ټینګار وکړ.
HKU د پایښت لرونکي پرمختګ په برخه کې د راتلونکي نسل مشرانو روزنې ته وقف شوی. Richard Wong د اقتصاد رییس او د Philip Wong Kennedy Wong په سیاسي اقتصاد برخه کې پروفیسور، داسې وویل « موږ د CASI غونډه د اکاډمیکې پوهې سره د عملي اقدام د یو ځای کولو د یو ارزښتناک فرصت په توګه ګورو، چې دا به زده کونکي وهڅوي چې د پایښت لرونکي مالي مسؤلیت په غاړه واخلي او پدې مهم برخه کې د مهارتونو تشې په ډکولو کې مرسته وکړي. »
د ورکشاپونو په تعقیب، CASI د هوژو ښار ته یو ساحوي سفر تنظیموي ترڅو د زرغون مالي تمویل د ابتکاري حل لارې نندارې ته وړاندې کړي. ګډونوال به د ځایی شنه بانکونه، پروژو، او تصدیو څخه لیدنه وکړي ترڅو وګوري چې څنګه سیمه ایز زرغون مالي سیسټم د زرغون اقتصاد او د کم GHG لرونکي لیږد ملاتړ کوي. په تیرو اوو کلونو کې د هوژو ښار زرغون پورونه په کال کې نږدې %40 وده کړې چې د شنه مالي تمویل په برخه کې د ښار بریالیتوب روښانه کوي.
په دې غونډه کې د CASI د برقي بڼه زده کړې پلیټ فارم معرفي شو، چې د دې کال تر پای وړاندې به پیل شي. CASI په پام کې لري چې د دې کال تر پایه مخکې د دوه نورو لویو حضوري غونډو کوربه توب وکړي، یو د منځني ختیځ لپاره او بل د افریقا لپاره.
اړیکه: د CASI په اړه د نورو معلوماتو لپاره، مهرباني وکړئ Wang Chan سره په دې ایمیل اړیکه ونیسئ wangc@ifs.net.cn